Kiwa dang yoh COVID-19 ha India ha kini ki 24 kynta da ku cha ka 35,871 ngut, kiwa dang chait da em ki 17,741 ngut, kiwa dang yap 172 ngut, iwa mut wa kiwa dang em ya uni u khñiang da ku ki da 17,958 ngut.
Ini i ku kiwa dang yoh COVID-19 hapoh ka ri toh neidaw wa pteiñ u ku kiwa dang yoh ha Maharashtra kiwa em 23,179 ngut iwa man 63.21% na kiwa dang yoh thymme. Iwa pynbood saka Kerala 2,098 ngut, Punjab 2,013 ngut, Karnataka 1,275 ngut, Gujarat 1,122 ngut wa ha Tamil Nadu 945 ngut iwa man wa kini ki 6 jylla da em ki 85% na kiwa dang yoh.
Waroh kiwa da chait da em ki 96.41% kiwa em 11,063,025 ngut, kiwa dang em ya uni u khñiang da em ki 2.20% kiwa em 2,52,364 ngut, kiwa yap 1.39% kiwa em 1,59,216 ngut. Deilang dapoi 1,14,74,605 ngut kiwa da dep yoh ya uni u khñiang hapoh ka ri.
I e dawai yada COVID-19 da kynjoh ko cha 4 klur sien heiwa da dep wow e la 3,71,43,255 sien hadooh ynne i step heiwa iwa dang dep e ha kini ki 24 kynta da em 20,78,719 sien.
