Hadien wa chi sngi wa em palat 50 hajar ngut kiwa dang yoh COVID-19 ha India, ha kini ki 24 kynta da hiar biang deiwa em 47,638 ngut kiwa dang yoh; 54,157 ngut kiwa dang chait wa 670 ngut kiwa dang yap iwa mut wa kiwa dang em ya uni u khñiang da hiar ki da 7,189 ngut.
Ka Maharashtra dang man hi ko ka jylla wa chah ktah dooh hapoh ka ri heiwa na waroh kiwa dang em ya uni u khñiang: 21.53% toh kiwa em ha Maharashtra kiwa em 1,07,358 ngut, wa ar pynbood saka Kerala 16.12% kiwa em 84,203 ngut. Deiwa kynthup lang ya ki 10 tylli ki jylla kiwa da chah ktah dooh, ha ki da em 78.2% kiwa dang chah ktah ha uni u khñiang katwa ki 21.80% won da em ha kiwi ki jylla wa dang sah.
Ka Maharashtra leh man ko ka jylla kawa boon dooh kiwa da chait kiwa em 15,51,282 ngut heiwa ha kini ki 24 kynta kiwa dang chait da em ki 11,277 ngut, ha Kerala kiwa dang chait da em ki 7,699 ngut, Karnataka 5,723 ngut, Delhi 5,289 ngut, West Bengal 4,187 ngut, Tamil Nadu 2,413 ngut wa ha Andhra Pradesh 2,292 ngut.
Ha kini ki 24 kynta da em leh 20 tylli ki jylla kiwa da boon kiwa chait ya kiwa dang yoh heiwa kiwa chait da tam ki da 6,287 ngut ha Maharashtra, Karnataka 2,598 ngut wa ha Kerala 905 ngut kiwa boon dooh.
Waroh kiwa da chait hapoh ka ri da em ki 92.32% iwa ku naka 92.20% kiwa em 77,65,966 ngut; kiwa dang em ya uni u khñiang da em ki 6.19% iwa hiar naka 6.31% kiwa em 5,20,773 ngut; kiwa yap 1.49% kiwa em 1,24,985 ngut. Waroh kiwa da dep yoh ya uni u khñiang da em ki 84,11,724 ngut.
Kiwa chait da tam ki da 72,45,193 ngut ya kiwa dang em ya uni u khñiang iwa ku da 61,346 ngut nadooh ynnin ka sngi.
