Ka thaw sumaar ki chipai duriaw ka ri, ka Indian Naval Hospital Ship (INHS) Patanjali, Karwar kawa em ha Uttara Kannada District kawa em ha jylla Karnataka da tia ko chaphrang wow yakhun ya ka khlam u COVID-19.
Hadien wa yoh yei kyrpaad na ki bor sorkar ka Karwar District Administration wei hadien wa pynkrehkaam ya ka Lockdown nadooh ka 25 Wisu (March), ka INHS Patanjali da pynkhreh ko wow e sumaar 24 kynta ya kiwa yoh ya u COVID-19 nadooh ka 28 Wisu.
Ha kani ka thaw da em 3 ngut ki doctors, 9 ngut ki medical staff wa 9 ngut ki support staff kiwa da kreh 24 kynta wow sumaar ya ki 9 ngut (patient) kiwa yoh ya u COVID-19 ha kani ka Hospital.
Na kini ki 9 ngut kiwa chah sumaar ha kani ka Hospital, 8 ngut toh kiwa da chait wei da pynlait noh ya ki ha kini ki sngi wa dadep wei katni em sa uwi donhi uwa chitom ya uwa da wanrah ha ka 16 tarik uni u bnai wei dang em u hapyrdi i chah sumaar.
Chooh chooh ka INHS Patanjali da pynkhreh ko da kiwi ki luti wow pteiñ i e dawai ya ki chipai wa ki manyung kiwa jooh lai thooh dawai na ka.
Discussion about this post