Kiwa dang yoh COVID-19 ha India da pteiñ ki wow hiar heiwa la 4 sngi khlem sangeh da em ki hapoh 30,000 ngut wei hapoh 50,000 ngut la 80 sngi. Ha kini ki 24 kynta kiwa dang yoh da em ki 27,176 ngut, kiwa dang chait 38,012 ngut wa kiwa yap 284 ngut, ini mut wa kiwa dang chah ktah da hiar ki da 11,120 ngut.
Ynnin ka sngi ka jylla wa boon wa tam da kiwa dang yoh ya kiwa dang chait toh ka Mizoram wa tam da kiwa dang yoh da 156 ngut, ha Jammu & Kashmir 78 ngut wa ha Assam 51 ngut.
Ki jylla wa boon dooh kiwa dang chah ktah toh ha Kerala (1,99,428), Maharashtra (53,220), Tamil Nadu (16,549), Karnataka (15,782), Andhra Pradesh (14,412), Mizoram (13,525), West Bengal (8,074), Assam (5,666), Odisha (5,550), wa ha Telangana (5,282).
Ki jylla wa duna dooh wa em kiwa dang chah ktah toh ha Lakshadweep (04), Dadra and Nagar Haveli and Daman and Diu (05), Andaman & Nicobar Islands (15), Chandigarh (28), Ladakh (36), Bihar (74), Rajasthan (93), Jharkhand (111), Madhya Pradesh (126), Gujarat (153), Uttar Pradesh (181), Uttarakhand (285), Punjab (319), Haryana (348), Chhattisgarh (371), Delhi (400), Tripura (439), Arunachal Pradesh (528), Nagaland (571), Goa (717), Sikkim (777) wa ha Puducherry (858).
Ynnin ka sngi da leh 16,10,829 tylli ki Test heiwa kiwa chah ktah da em 1.69% kawa tip leh kam ka Positivity Rate kawa da neh hapoh 3% la 16 sngi.
Heiyatoh wa i e tika hapoh ka ri, da dep wow e la 75,89,12,277 sien heiwa ynnin ka sngi da e 61,15,690 sien.
Waroh kiwa da chait da em ki 97.62% kiwa em 3,25,22,171 ngut, kiwa dang chah ktah da em ki 1.05% kiwa em 3,51,087 ngut, kiwa yap 1.33% kiwa em 4,43,497 ngut, deilang waroh dapoi 3,33,16,755 ngut kiwa da dep yoh ya uni u khñiang hapoh ka ri.
