Kiwa dang yoh COVID-19 ha India ha kini ki 24 kynta da em ki 1,52,879 ngut iwa man leh iwa boon dooh haka chi sngi, kiwa dang chait da em ki 90,584 ngut, kiwa dang yap 839 ngut iwa mut wa kiwa dang em ya uni u khñiang da ku ki da 61,456 ngut.
Na kiwa dang yoh 81% toh kiwa em ha ki 10 tylli ki jylla kiwa boon dooh ha Maharashtra 55,411 ngut, Chhattisgarh 14,098 ngut, Uttar Pradesh 12,748 ngut, Delhi 7,897 ngut, Karnataka 6,9194 ngut, Tamil Nadu 5,989 ngut, Gujarat 5,011 ngut, Madhya Pradesh 4,986 ngut wa ha Rajasthan 4,401 ngut.
5 tylli ki jylla em ki ya 71% kiwa dang em ya uni u khñiang kitæ toh ka Mahrashtra (48.57%), Chhattisgarh (7.75%), Karnataka (5.57%), Karnataka (5.57%), Uttar Pradesh (5.31%), Kerala (3.62%).
Waroh ki jylla wa ku kiwa dang yoh COVID-19 hapoh ka ri da em ki 16 tylli kiwa kynthup yaka Maharashtra, Chhattisgarh, Uttar Pradesh, Karnataka , Delhi, Tamil Nadu, Madhya Pradesh, Gujarat, Haryana, Rajasthan, Punjab, Kerala, Telangana, Uttarakhand, Andhra Pradesh wa West Bengal.
Waroh kiwa da chait da em ki 90.44% kiwa em 1,20,81,443 ngut, kiwa dang em ya uni u khñiang da em ki 8.29% kiwa em 11,08,087 ngut, kiwa yap 1.27% kiwa em 1,69,275 ngut, deilang dapoi 1,33,58,805 ngut kiwa da dep yoh ya uni u khñiang hapoh ka ri.
Heiyatoh won wa i e dawai yada COVID-19 da dep wow e la 10,15,95,147 sien heiwa du ynnin ka sngi da e hadooh 35,19,987 sien.
