Kiwa dang chah ktah ha u COVID-19 hapoh ka ri India ha kini ki 24 kynta hadooh 8 waje i step ka 22 tarik da em ki 37,724 katkam ka yukheiñ ka Ministry of Health & Family Welfare deilang waka ICMR.
Na kini ki da em leh 28,472 ngut kiwa chait iwa man leh iwa boon dooh haka chi sngi hadooh kattæ, kiwa yap da em sa 648 ngut katwa kiwa dang em ya uni u khñiang da em ki da ku da 8604 ngut.
Ka Delhi hadien wa 14 sngi wa hiar bait kiwa dang em ya uni u khñiang, da ku noh da 122 ngut. Heiwa kiwa boon dooh kiwa ku toh ha Andhra Pradesh da 3,536 ngut, Karnataka 1,924 ngut, Uttar Pradesh 1,067 ngut, Maharashtra 902 ngut waka West Bengal 609 ngut.
Na ki jylla wa hiar kiwa dang em u COVID-19, kiwa boon dooh kiwa hiar toh ka Telangana 1,638 ngut.
Hapoh ka ri waroh kawi, kiwa chait da em ki 63.13% iwa ku naka 62.72% kiwa em 7,53,080 ngut, kiwa dang em ya uni u khñiang namo ki Active Case da em ki 34.46% iwa hiar naka 34.85% kiwa em 4,11,133 ngut katwa kiwa yap da em ki 2.41% kiwa em 28,732 ngut. Waroh da em 11,92,915 ngut.
Kiwa da chait da tam ki da 3,41,917 ngut ya kiwa dang em ya uni u khñiang iwa ku da 19,868 ngut nadooh ynnin ka sngi.
