Kiwa dang chait ha India la 5 sngi khlem sangeh da pteiñ ki wow boon ya kiwa dang yoh COVID-19 heiwa ha kini ki 24 kynta kiwa chait da tam ki 4 lak ngut kiwa em 4,22,436 ngut iwa boon dooh ha ka chi sngi, kiwa dang yoh da em ki 2,63,533 ngut, kiwa dang yap da pteiñ ki wow em palat 4000 ngut deiwa em 4,329 ngut, iwa mut wa kiwa dang em ya uni u khñiang da hiar ki da 1,63,232 ngut.
Na ki jylla kiwa dang tam da kiwa dang yoh ya kiwa dang chait da em ki 9 tylli kitæ ka Andhra Pradesh (1118 ngut), Arunachal Pradesh (86 ngut), Assam (1565 ngut), Karnataka (3492 ngut), Lakshadweep (88 ngut), Meghalaya (381 ngut), Nagaland (153 ngut), Tamil Nadu (12,254 ngut) wa ha Tripura (473 ngut).
Na kiwa dang chait kiwa boon dooh toh ha Kerala 99,651 ngut, Maharashtra 48,211 ngut, Karnataka 34,635 ngut, Rajasthan 29,459 ngut, Uttar Pradesh 23,045 ngut, Tamil Nadu 20,486 ngut, Wet Bengal 19,101 ngut, Andhra Pradesh 17,334 ngut, Haryana 14,279 ngut wa ha Chhattisgarh 13,865 ngut.
Ki jylla wa boon dooh kiwa dang yoh toh ha Karnataka 38,603 ngut, Tamil Nadu 33,075 ngut, Maharashtra 26,6616 ngut, Kerala 21,402 ngut, West Bengal 19,003 ngut, Andhra Pradesh 18,561 ngut, Rajasthan 11,597 ngut, Odisha 10,757 ngut, Uttar Pradesh 9,345 ngut wa ha Haryana 7,488 ngut.
Ki jylla wa boon dooh kiwa dang em ya uni khñiang toh ha Karnataka 6,03,660 ngut, Maharashtra 4,48,000 ngut, Kerala 3,62,675 ngut, Tamil Nadu 2,31,596 ngut, Rajasthan 1,76,363 ngut, Uttar Pradesh 1,49,032 ngut, West Bengal 1,31,560 ngut, Gujarat 99,620 ngut, wa ha Chhattisgarh 96,156 ngut.
Na kiwa dang yap kiwa boon dooh toh ha Maharashtra 1000 ngut, Karnataka 476 ngut, Delhi 340 ngut, Tamil Nadu 335 ngut, Uttar Pradesh 271 ngut wa ha Uttarakhand 223 ngut.
Waroh kiwa da chait da em ki 85.60% kiwa em 2,15,96,512 ngut, kiwa dang em ya uni u khñiang da em ki 13.29% kiwa em 33,53,765 ngut, kiwa yap 1.10% kiwa em 2,78,719 ngut, deilang dapoi 2,52,28,996 ngut kiwa da dep yoh ya uni u khñiang hapoh ka ri.
Heiyatoh wa i e dawai tika hapoh ka ri, da dep wow e la 18,44,22,218 sien hadooh ynnin ka sngi heiwa ynnin ka sngi da e 14,79,592 sien.
