Hadien 5 sngi wa em bait palat 40,000 ngut kiwa dang yoh COVID-19 ha India, ynne da ku cha cha 53,476 ngut kiwa dang yoh, kiwa dang chait da em ki 26,490 ngut, kiwa dang yap da em ki 251 ngut iwa mut wa kiwa dang em ya uni u khñiang da ku da 26,735 ngut.
81% na kiwa dang yoh toh kiwa em ha ki 6 tylli ki jylla kiwa boon dooh ha Maharashtra 31,855 ngut, Punjab 2,613 ngut, Kerala 2,456 ngut, Karnataka 2,298 ngut, Chhattisgarh 2,106 ngut wa ha Gujarat 1,790 ngut.
Deiwa kheiñlang ya waroh kiwa dang em ya uni u khñiang, le tylli ki jylla da em ki 74% na waroh, kitæ ha Maharashtra 62.91%, Kerala 6.22% wa ha Punjab 5.19%.
Waroh kiwa da chait ha India da em ki 95.28% kiwa em 1,12,31,650 ngut, kiwa dang em ya uni u khñiang da em ki 3,95,192 ngut kiwa em 3.35%, kiwa yap da em ki 1.36% kiwa em 1,60,692 ngut. Deilang dapoi 1,17,87,534 ngut kiwa da dep yoh ya uni u khñiang hapoh ka ri.
Kiwa chait da tam ki da 10,836,458 ngut ya kiwa dang chah ktah.
Heiyatoh won wa i e dawai yada COVID-19, da dep wow e la 5,31,45,709 sien hadooh 7 waje ynne i step. Ini kynthup i ya 79,80,849 ngut ki HCW (1st Dose), 50,61,790 ngut ki HCW (2nd Dose), 84,78,478 ngut ki FLW (1st Dose) wa 32,37,381 ngut ki FLW (2nd Dose), da em leh 51,31,949 ngut kiwa da yoh ya ini i dawai tika (1st Dose) kiwa em 45 snem chaneiñ kiwa da em chwa i chitom wa 2,32,55,262 ngut kiwa da em 60 snem chaneiñ.
Haka 24 tarik da e 23,03,305 sien ya ini i dawai.
