Kiwa yoh COVID-19 ha India da tam ki 60 lak ngut deiwa em 82,170 ngut kiwa dang chah ktah ha kini ki 24 kynta hadooh i step ka 28 tarik katkam ka yukheiñ ka Ministry of Health & Family Welfare.
Kiwa dang chait da em ki 74,893 ngut iwa da pynpoi leh yaki wow tam ki 50 lak ngut heiwa kiwa dang em ya uni u khñiang da ku ki da 6,238 ngut katwa kiwa yap da em ki sa 1,039 ngut.
Kiwa dang chait kiwa boon dooh da em ki ha Maharashtra 13,565 ngut, ha Andhra Pradesh 7796 ngut, Karnataka 6522 ngut, Tamil Nadu 5706 ngut, Uttar Pradesh 5656 ngut, Kerala 3391 ngut wa ha Odisha 3378 ngut.
Da em leh 17 tylli ki jylla kiwa da boon kiwa chait bar ya kiwa dang yoh ha kini ki 24 kynta heiwa kiwa boon dooh toh ha Uttar Pradesh 1483 ngut, Punjab 927 ngut, Andhra Pradesh 918 ngut, Assam 812 ngut wa ha Haryana 664 ngut.
Kiwa chait hapoh ka ri da em ki 82.58% iwa ku naka 82.46% kiwa em 50,16,520 ngut; kiwa dang em ya uni u khñiang da em ki 15.85% iwa hiar naka 15.96% kiwa em 9,62,640 ngut katwa kiwa yap da em ki 1.57% kiwa em 95,542 ngut. Waroh da em 60,74,702 ngut kiwa da dep yoh COVID-19.
Kiwa chait da tam ki da 40,53,880 ngut ya kiwa dang em ya uni u khñiang iwa ku da 68,655 ngut nadooh ynnin ka sngi.
