Ka la-ær wa ar ka khlam COVID-19 da joor ko ha India heiwa kiwa dang yoh COVID-19 ha kini ki 24 kynta da em ki 62,258 ngut iwa da pynu leh ya kiwa dang em ya uni u khñiang cha ka 4.5 lak ngut.
Ha kini ki 24 kynta da em leh 30,386 ngut kiwa dang chait wa 291 ngut kiwa dang yap iwa mut kiwa dang em ya uni u khñiang da ku ki da 31,581 ngut.
80% na kiwa dang yoh toh kiwa em ha ki 6 tylli ki jylla kiwa boon dooh ha Maharashtra 36,902 ngut, Punjab 3,122 ngut, Chhattisgarh 2,665 ngut, Karnataka 2,566 ngut, Gujarat 2,190 ngut wa ha Madhya Pradesh 2,091 ngut.
Ka Maharashtra da em ko 62.69% kiwa dang chah ktah iwa pynbood saka Kerala 5.43% waka Punjab 5%.
Waroh kiwa da chait da em ki 94.85% kiwa em 11,295,023 ngut, kiwa dang em ya uni u khñiang da em ki 3.80% kiwa em 4,52,647 ngut, kiwa yap 1.35% kiwa em 1,61,240 ngut. Deilang dapoi 1,19,08,910 ngut kiwa da dep yoh ya uni u khñiang hapoh ka ri.
Heiyatoh wa i e dawai yada, da dep wow e la 5,81,09,773 sien hapoh ka ri wa kynthup ya 80,96,687 ngut ki HCW (1st dose), 51,44,011 ngut ki HCW (2nd dose), 87,52,566 FLW (1st dose) wa 35,39,144 FLWs (2nd Dose). Kiwa da em 45 snem chaneiñ kiwa em chwa yei chitom da em 61,72,032 ngut kiwa da yoh ya 1st Dose wa 2,64,05,333 ngut kiwa da em 60 snem chaneiñ kiwa da dep yoh ya ini i dawai.
Hawa nujor wa kiwi ki ri, ka India da em ko hei wa ar wa boonsien dooh wa da dep e ya ini i dawai hadien ka USA.
