Kiwa dang chah ktah ha u COVID-19 ha kini ki 24 kynta itæ hadooh ynne i step ka 10 tarik ha India da em ki 95,735 ngut iwa man leh iwa boon dooh haka chi sngi iwa da pynpoi leh ya kiwa da dep yoh ya uni u khñiang cha ka 44 lak ngut katkam ka yukheiñ ka Ministry of Health & Family Welfare.
Kiwa dang chait da em ki 72,939 ngut, kiwa yap da em sa 1,172 ngut katwa kiwa dang em ya uni u khñiang da ku ki da 21,624 ngut.
Kiwa chait kiwa boon toh ha Maharashtra wa em 13906 ngut, Andhra Pradesh 9842 ngut, Karnataka 6860 ngut, Tamil Nadu 6516 ngut, Uttar Pradesh 5731 ngut wa ha Odisha 3110 ngut.
Kiwa dang em ya uni u khñiang kiwa boon dooh kiwa ku toh ha Maharashtra 9291 ngut, Karnataka 2552 ngut, Delhi 1396 ngut, Kerala 1336 ngut wa ha Chhattisgarh 1126 ngut.
Kiwa chait hapoh ka ri da em ki 77.74% iwa hiar naka 77.77% kiwa em 34,71,783 ngut, kiwa dang em ya uni u khñiang da em ki 20.58% iwa ku naka 20.53% kiwa em 9,19,018 ngut wa 1.68% kiwa yap kiwa em 75,062 ngut. Waroh da em 44,65,863 ngut kiwa da dep yoh COVID-19.
Kiwa chait da tam ki da 25,52,765 ngut ya kiwa dang em ya uni u khñiang iwa ku da 51,315 ngut nadooh ynnin ka sngi.
