Kiwa dang chiat na u COVID-19 ha India da sdang pteiñ biang ki wow boon la le sngi ya kiwa dang yoh heiwa ha kini ki 24 kynta kiwa dang yoh da em ki 38,772 ngut, kiwa dang chait da em ki 45,333 ngut, kiwa dang yap da em ki 433 ngut iwa mut wa kiwa dang em ya uni u khñiang da em ki da hiar ki da 7,004 ngut.
Ka Karnataka, Maharashtra, Kerala, Tamil Nadu waka Andhra Pradesh toh ki 5 tylli ki jylla wa boon dooh wa hiar kiwa dang em ya uni u khñiang nadooh u Oct-Nov katwa ka Madhya Pradesh, Himachal Pradesh, Delhi, Haryana wa Rajasthan toh iwa boon dooh wa ku kiwa dang em ya uni u khñiang haki jooh biang ki bnai.
78% won kiwa dang yoh toh kiwa em ha ki 10 tylli ki jylla kitæ ha Kerala 5,643 ngut, Maharashtra 5,544 ngut, Delhi 4,906 ngut, West Bengal 3,367 ngut, Rajasthan 2,581 ngut, Uttar Pradesh 1,974 ngut, Haryana 1,809 ngut, Gujarat 1,564 ngut, Madhya Pradesh 1,514 ngut wa ha Tamil Nadu 1,459 ngut.
77% won kiwa dang chait da em ki ha ki 10 tylli ki jylla kitæ ha Delhi 6,325 ngut, Kerala 5,861 ngut, Maharashtra 4,362 ngut, Andhra Pradesh 3,787 ngut, West Bengal 3,445 ngut, Haryana 2,794 ngut, Uttar Pradesh 2,618 ngut, Rajasthan 2,556 ngut, Chhattisgarh 1,600 ngut wa ha Karnataka 1,530 ngut.
Waroh kiwa da chait da em ki 93.81% iwa ku naka 93.71% kiwa em 88,47,600 ngut, kiwa dang em ya uni u khñiang da em ki 4.74% iwa hiar naka 4.83% kiwa em 4,46,952 ngut wa 1.45% kiwa yap kiwa em 1,37,139 ngut, waroh deilang da poi 94,31,691 ngut kiwa da dep yoh ya uni u khñiang hapoh ka ri.
Kiwa chait da tam ki da 84,00,648 ngut ya kiwa dang chah ktah ha uni u khñiang kiwa ku da 52,337 ngut nadooh ynnin ka sngi.
