Ka Ministry of Health & Family Welfare hadooh 08:30 ynne i miet ka 31 tarik da pyntip ko wa kiwa em ya u khñiang COVID-19 (Active Case) da em ki 1238 ngut iwa ku da 121 ngut naka 1117 ngut nadooh ynnin ka 30 tarik.
Kiwa yap da poi cha 35 ngut naka 32 ngut nadooh ynne ka sngi. Kiwa chait da ku cha ka 124 ngut naka 102 ngut.
Kiwa boon dooh kiwa yap toh ha Maharashtra 9 ngut, Gujarat 6 ngut, wei mar le ngut ha Karnataka, Madhya Pradesh wa Punjab.
Ha Andhra Pradesh kiwa yoh ya u khñiang COVID-19 da ku cha ka 40 ngut naka 23 ngut, ha Delhi 97 ngut naka 87 ngut, ha Kerala 234 ngut naka 202 ngut, ha Maharashtra 216 ngut naka 198 ngut katwa ha Uttar Pradesh 101 ngut naka 82 ngut kiwa man ki jylla wa boon wa ku i yoh ya uni u khñiang.
Lada kheiñ won ya waroh nadooh kiwa da yoh ya uni u khñiang, kiwa da chait wa kiwa da yap da poi 1556 ngut.
Discussion about this post