Ka Ministry of Health & Family Welfare hadooh 10:30 ynne i step ka 30 tarik da pyntip ko wa kiwa em ya u khñiang COVID-19 (Active Case) da em ki 942 ngut iwa ku da 41 ngut naka 901 ngut hadooh ynnin ka miet.
Kiwa yap da ku cha ka 29 ngut naka 27 ngut, deiwa yap sa arnut ha Maharashtra kiwa da poi waroh la 8 ngut kattu. Ha Maharashtra kiwa yoh ya uni u khñiang COVID-19 da em ki 193 ngut wei da chait 25 ngut.
Sa kawi ka jylla kawa da tam chispah ngut kiwa yoh COVID-19 toh ka Kerala kawa da em 194 ngut wei kiwa chait da em ki 19 ngut katwa uwa yap won uwi.
Ki jylla wa da tam 50 ngut kiwa yoh ya uni u khñiang toh ka Delhi 53 ngut, ka Gujarat 58 ngut, Karnataka 80 ngut, Rajasthan 57 ngut, Tamil Nadu 50 ngut, Telegana 69 ngut waka Rajasthan 69 ngut.
Lada kheiñlang ya waroh nadooh kiwa da yoh ya u COVID-19, kiwa da chait wa kiwa da yap da poi 1200 ngut. Na kini 1071 ngut toh kiwa da yoh kjut katwa 100 ngut won toh kiwa da chait.
Discussion about this post