Neidaw wa kiwa dang yoh COVID-19 hapoh ka jylla da ku bait ki wei ki thaw sumaar leh da man ki kiwa da jan dap.
Neiliang ka sorkar Meghalaya ynne ka 15 tarik da pynmih hukum ko wow pyndam noh ya waroh ki kyndon wow kdoh u khoom namo ki Containment Measures kiwa da dep pynmih chwa hapoh waroh kawi ka jylla deiwa pynmih du ka wi ka hukum kawa daw krehkaam nadooh ka 17-05-21 hadooh wa pynmih hukum da kamwi.
Neibynta ka jylla waroh kawi:
Da khang wow pynman ya kiwon kiown ki yalang paidbah wa kynthup ya ki yalang niam, ki yalang e sikai (Training) kamjooh leh i pynman ya ki Conference.
Ym chah yei psiah kiwa uiñke suwari kiwa wan na baar jylla wei waroh ki thaw uiñke suwari u man ki kiwa khang.
Waroh ki kaam khayi pateiñ khappood wa kiwi ki ri u man ki kiwa khang.
Ym chah wow pynman ya kiwon kiwon ki yalehke Sports.
Da khang leh yei lai na kawi ka jylla cha kawi tangwa ki kari wa lai luti cha Assam/Tripura/Manipur/Mizoram chah hi wow lai ki.
Ki Deputy Commissioner da e bor ya ki wow pynkrehkaam ya ki kyndon wow kdoh wow khoon iwa chong hei long i man.
Neibynta ka East Khasi Hills:
Ka Lockdown u pteiñ ya ka hapoh East Khasi Hills District nadooh 5:00 waje i step ka 17-05-21 hadooh 5:00 waje i step ka 24-05-21.
Ym chah u mih ki kari, u chah du ya kitu kiwa lai yei kaam wym hoi u dam wa ki kaam wa yatoh wa i chait i khiah.
I lai cha ka East Khasi Hills District man i iwa khang kamjooh wow mih napoh ka East Khasi Hills District.
Waroh ki yaw wa heh hapoh ka District u man ki kiwa khang wa kynthup lang ya ka Shillong. Ki marbaam wa emkaam daw dai ha ki jar jiar ki dong.
Waroh ki yung krehkaam sorkar jylla wa sorkar pyrdi u man ki kiwa khang lait noh kitu kiwa da yoh bor wow wai.
Kiwa yoh bor u wai toh u em ki wakreh du 30% donhi kiwa haap hapoh Group A, B wa C wei toh u khang chwa ka 4:00 waje i janmiet wa ha ka sngi Saturday. Ini leh man i i jooh ya ki Bank wa ki Post Office.
I wai ki dukan wa dai ya ki marbaam mardih wa emkaam daw pynbait da ka DC, EKH.
I kit i bah ya ki mar rep na ki thaw rep ha EKH daw pynbait da ka DC, EKH.
Ki E-Commerce wa Home Delivery yong waroh ki mar toh kiwa chah deiwa bood ya ki kyndon wa booh da ka DC.
Ki Restaurant, Café wa kiwa leh ya ka Food Delivery u chah lada leh ki ya ka Home Delivery donhi deiwa booh kyndon ka DC.
Ki kaam wa yatoh wa i chna i tei kam ya ki yung wa kiwi kiwi, u chah lada ki wakreh da em chwa ki ha i thaw kreh deiwa pyntip chwa cha ka DC.
Waroh ki thaw maneblai u man ki kiwa khang.
Ym chah wow pynman bia ha i por wa em ka Lockdown.
Ha ki yalang neidaw wa em wa yap, u chah du 15 ngut ki bru deiwa yoh bor chwa na ka DC.
Ya ki paidbah da phah wow neh ki ha jar jiar ki dong heipor wa lai thied marbaam ki yow lait u khñiang u poor chooh chooh.
Neibynta kiwi ki District:
U pynkrehkaam ya ka Weekend Lockdown ha waroh kiwi ki 10 tylli ki District nadooh ka 5:00 waje i step ka 22-05-21 hadooh 5:00 waje i step ka 24-05-21.
Ki kaam wa da pynlait na ka hukum:
Ki wakreh Health wa kynthup ya i e tika COVID-19, ki kaam rep wa ki kaam sumaar mrad.
I lai i wan ki mar wa emkaam. Ki kari wa kit mar, E-Commerce, i kit ya ki dawai dachin wa kiwa leh ya ki Home Delivery.
Kiwa leh ya ki kaam wym hoi u dam kam ki yong ka Food Corporation of India, pulit, chipai, Civil Defense wa Home Guard, ki kaam bordiñ (NEEPCO, MeECL, Powergrid wa kiwi), PHE, PWD, NHAI, NHIDCL, Municipal, Fire & Emergency Services, National Informatics Centre & Telecommunication Service, ki Bank wa Post Office, ki laad pathai khubor wa Information & Public Relations.
Ki kaam rep ha ki thaaiñ palatsor wa ki kaam MGNREGA ha ki thaaiñ palatsor.
Kini waroh hap wow bood ya ki kyndon sorkar kam ka Social Distancing wa kiwi kiwi de kiwa da pynmih da ka Health & Family Welfare Department ka sorkar Meghalaya.
