Ka ri India da poi ko sa cha uwi u moomær ha ka thma pyrchah ya ka khlam COVID-19 deiwa em sa du 0.98% kiwa dang chah ktah kiwa em 3,19,551 ngut iwa man leh iwa duna dooh hadien 156 sngi iwa da pynku leh ya kiwa da chait wow em ki 97.68%.
Kiwa dang yoh ha kini ki 24 kynta da em ki 25,467 ngut kiwa da neh hapoh 50,000 ngut la 58 sngi, kiwa dang chait da em ki 39,486 ngut, kiwa dang yap 354 ngut iwa mut wa kiwa dang em ya uni u khñiang da hiar ki da 14,373 ngut.
Ynnin ka sngi da em 6 tylli ki jylla wa boon da kiwa dang yoh ya kiwa chiat kiwa boon dooh wa tam da kiwa dang yoh ha Mizoram (346), Tripura (40), Rajasthan (07), Lakshadweep (05), Ladakh (02) wa ha Andaman & Nicobar Islands (02).
Ki jylla wa boon dooh kiwa dang chah ktah toh ha Kerala (1,55,096), Maharashtra (53,433), Karnataka (20,281), Tamil Nadu (18,887), Andhra Pradesh (14,159), West Bengal (9,336), Odisha (7938), Assam (7995) wa ha Telangana (6,308).
Ki jylla wa duna dooh wa em kiwa dang chah ktah toh ha Andaman & Nicobar Islands (02), Dadra and Nagar Haveli and Daman and Diu (04), Lakshadweep (28), Chandigarh (36), Ladakh (63), Madhya Pradesh (84), Bihar (112), Rajasthan (159), Jharkhand (165), Gujarat (171), Uttarakhand (313), Uttar Pradesh (362), Delhi (374), Punjab (421), Haryana (668), Chattisgarh (709), Puducherry (796), Goa (875) wa ha Nagaland (916).
Ynnin ka sngi da leh 16,47,526 tylli ki Test heiwa kiwa chah ktah da em ki 1.55% kawa tip leh kam ka Positivity Rate kawa da neh hapoh 3% la 29 sngi.
Heiyatoh wa i e tika da dep wow e la 58,89,97,805 sien heiwa ynnin ka sngi da e 63,85,298 sien .
Waroh kiwa da chait da em ki 97.68% kiwa em 3,17,20,112 ngut, kiwa dang chah ktah da em ki 0.98% kiwa em 3,19,551 ngut, kiwa yap 1.34% kiwa em 4,35,110 ngut, deilang dapoi 3,24,74,773 ngut kiwa da yoh ya uni u khñiang.
