Kiwa dang chah ktah ha u COVID-19 ha India da hiar ki cha ka 1.09% iwa duna dooh nadooh u Wisu (Mar) 2020 deiwa em 3,53,398 ngut iwa duna dooh ha kini ki 152 sngi wa da lai. Ini da yarap deiwa em kiwa dang yoh ya uni u khñiang hapoh 50,000 ngut la 56 sngi khlem sangeh.
Kiwa dang yoh ha kini ki 24 kynta da em ki 30,948 ngut, kiwa dang chait 38,487 ngut wa kiwa yap 403 ngut iwa mut wa kiwa dang em ya uni u khñiang da hiar ki da 78942 ngut.
Ynnin ka sngi da em leh 6 tylli ki jylla wa boon da kiwa dang yoh ya kiwa chait kiwa boon dooh wa tam ha Jammu & Kashmir da 18 ngut wa ha Rajasthan da 12 ngut.
Ki jylla wa boon dooh kiwa dang chah ktah toh ha Kerala (1,78,995), Maharashtra (57,474), Karnataka (20,871), Tamil Nadu (19,391), Andhra Pradesh (15,141), West Bengal (9,594), Odisha (8571), Assam (8224), wa ha Telangana (6,608).
Ki jylla wa duna dooh wa em kiwa dang chah ktah toh ha Andaman & Nicobar Islands (01), Dadra and Nagar Haveli and Daman and Diu (04), Lakshadweep (26), Chandigarh (44), Ladakh (68), Madhya Pradesh (88), Bihar (147), Rajasthan (167), Gujarat (184), Jharkhand (213), Uttarakhand (321), Uttar Pradesh (407), Delhi (430), Punjab (493), Haryana (675) wa ha Puducherry (908).
Ynnin ka sngi da leh 15,85,681 tylli ki Test heiwa kiwa chah ktah da em ki 1.95% kawa tip leh kam ka Positivity Rate kawa da neh hapoh 3% la 27 sngi.
Heiyatoh wa i e tika da tam 58 klur sien (58,14,89,377) heiwa ynnin ka sngi da e 52,23,612 sien.
Waroh kiwa da chait da em ki 97.57% kiwa em 3,16,36,469 ngut, kiwa dang chah ktah 1.09% kiwa em 3,53,398 ngut, kiwa yap 1.34% kiwa em 4,34,367 ngut, deilang dapoi 3,24,24,234 ngut kiwa da dep yoh ya uni u khñiang hapoh ka ri.
