Kiwa dang yoh COVID-19 ha India da neh ki hapoh 30,000 ngut la le sngi heiwa kiwa chait da pteiñ ki wow boon iwa da pynhiar ya kiwa chah ktah wow jan em ki hapoh 3 lak ngut (3,01,989) iwa man leh iwa duna dooh dooh ki ha ki 186 sngi wa da lai.
Kiwa dang yoh ha kini ki 24 kynta da em ki 26,964 ngut, kiwa dang chait da em ki 34,167 ngut wa 383 ngut kiwa yap iwa mut wa kiwa dang em ya uni u khñiang da hiar ki da 7586 ngut.
Ki jylla wa boon dooh kiwa dang chah ktah toh ha Kerala (1,61,765), Maharashtra (44,269), Tamil Nadu (16,993), Mizoram (15,363), Andhra Pradesh (13,905), Karnataka (13,769), West Bengal (7,741), Assam (5,081), Telangana (4,938) wa ha Odisha (4,844).
Ki jylla wa duna dooh wa em kiwa dang chah ktah toh ha Dadra and Nagar Haveli and Daman and Diu (00), Lakshadweep (09), Andaman & Nicobar Islands (17), Chandigarh (44), Bihar (60), Jharkhand (65), Madhya Pradesh (90), Rajasthan (99), Gujarat (133), Ladakh (144), Uttar Pradesh (194), Uttarakhand (249), Chhattisgarh (297), Punjab (304), Haryana (328), Tripura (353), Delhi (400), Arunachal Pradesh (413), Nagaland (470), Sikkim (627), Goa (886) wa ha Puducherry (922).
Ynnin ka sngi da leh 15,92,395 tylli ki Test heiwa kiwa chah ktah da em ki 1.69% kawa tip leh kam ka Positivity Rate kawa da neh hapoh 3% la 23 sngi.
Heiyatoh wa i e tika hapoh ka ri da dep wow e la 82,65,15,754 sien heiwa ynnin ka sngi da e 75,57,529 sien.
Waroh kiwa da chait da em ki 97.77% kiwa em 3,27,83,741 ngut, kiwa dang chah ktah da em ki 0.90% kiwa em 3,01,989 ngut, kiwa yap 1.33% kiwa em 4,45,768 ngut, deilang dapoi 3,35,31,498 ngut kiwa da dep yoh ya uni u khñiang hapoh ka ri.
