U montri rangbah ka jylla, u Conrad K Sangma ynne da yaklam u lyngba ka Video Conference wa u montri rangbah ka Assam, u Himanta Biswa Sarma heiwa da yaklam yillu hei wow yakreh lang wei wow yakhun pyrchah ya ka khlam COVID-19.
Neiliang u Himanta da kular u wow yarap ya ka jylla Meghalaya ha ini i yakhun wei da kular u leh yei yakrehlang khnang wow lait i thut i kit ya ki mar hapoh Assam khamtam hadien wa pynbna ya ki Lockdown ha ki District ka Meghalaya wei hajrong ini neiliang u Conrad da kular u leh wa ym thut ha i lai i wan ki mar wa ki bru ha ini i por.
U Himanta da kular u leh wow e hadooh 100 sien i tika Covaxin ya ka Meghalaya wa kamjooh leh ya ki D Type Cylinders deiwa pyntip leh wa ka Assam da tyrwa ko ya ka sorkar pyrdi wow pynman ya ka Assam kam ka thaw pyrdi namo ka ‘Hub’ heiyatoh wa i emkaam Oxygen ki jylla ka thaaiñ mihsngi.
Hajrong ini waroh neiliang u Conrad da e khublei u ya u Himanta hajrong i kyrchaan wa da e ko ya ka Meghalaya.
