I dai i thied, i phah poisa lyngba ka Digital Transaction da ku ko da 100 chah ha ki 9 snem hapoh ka ri India wei ka sorkar da ong ko wa em ko ka thong wow pynku chooh ya ini ha ki yaaw ki haat ka ri wei kani man ko leh kam chibynta ka thong ka Digital India yow man ka khayi pateiñ kawa khooid.
Khynde snem nachwa i pynemkaam ya ki Digital Transaction ha India toh du 127 klur sien ha u 2013-14 iwa da ku cha 12,735 klur sien ha u 2022-23 (kat hadooh Wisu 23, 2022), iwa mut da ku da 100 chah.
I daw wa da pynku yei pynemkaam ya ka Digital Payment ha India ha kini ki 9 snem toh neidaw wa da pynsuk wow leh yeini deiwa wanrah ka sorkar ya ka Bharat Interface for Money-Unified Payments Interface (BHIM-UPI), ka Immediate Payment Service (IMPS), ka Prepaid Payment Instruments (PPIs) waka National Electronic Toll Collection (NETC) kiwa da pynkylla dur yei rukom pynemkaam ki paidbah ya ka poisa.
Iwa ka-it bha ki bru toh u pynemkaam da ki UPI heiwa da pynemkaam la 886.3 klur sien iwa da chongdor T. 14.15 lak klur hadooh u Naitung (Apr) 2023.
Ini i pynemkaam ya ki Digital Transaction ha India da pynchlur ko leh ya ki bru wow wai Bank Account, da pynkhooid leh yei rukom phah poisa ka sorkar, da wanrah leh ki buit thymme wow pynsuk ya ki bru wei ha waroh da pynkhlan ko yei yoh i kot ka ri yow heh u san.
