Da 4-1 pynrem ka 7 Wasa ya ka Druma Sandruma ha ka Semi Final ka MSL

Jowai: Ha ka Semi Final ka Meghalaya State League (MSL) wa pynman ynne ka sngi ha Jowai hapyrdi ka 7 Wasa pyrchah ya ka Druma Sandruma, ka 7 Wasa da jop ko da 4-1.

Ka 7 Wasa da sdang ko u thap kool da ka Penalty wa yoh ko ha ka minit wa 8 kawa thap u Chandra Pakyntein katwa ya ka kool wa bood won da thap pynda uwa yalehke ka Druma Sandruma u Arthish Marak heipor wa pyrchang u kynjet ya ka bool cha rood na tre kool. Ha ka minit wa 31 ka 7 Wasa da thap ko sa chi kool lyngba u Belonia Lywait kawa neh hadooh wa kut ka kylla step.

Ha ka kylla miet won ka Druma Sandruma da yoh ko u thap chi kool lyngba u Sengstar Marak ha ka minit wa 51 tangwa ka 7 Wasa da pyntam biang ko sa chi kool kawa thap u Niwan-oo-Gatphoh ha ka minit wa 89 kawa pynjop ya ka 7 Wasa da 4-1.

Ka 7 Wasa kattu u lai won ko cha Ampati yow yaleh ya ka Semi Final wa ar pyrchah ya ka Druma Sandruma ka won pynman ha Ampati.

Ha kawi tawan ka Semi Final wa pynman ha Kurkalang hapyrdi ka Lansning waka Tynrongmawsaw da kut ko 2-2.

Ya ka Semi Final wa ar kini ki artylli ki dhab daw pynman ha ka 30 tarik ha Mairang.

Related posts

T20 Cricket Tournament: Jop ka Goodwill CC wa ka Laphet CC

February 9, 2026

Khut ka Tympang Club ya ki chynrang wa kynthai wow chimbynta ha ka Open To All Cross Country Race

February 9, 2026