Ka Priyanka Gandhi Vadra da jop ko ya ka Election wa nynkong yong ka ynne na ka Wayanad Lok Sabha Constituency kam ka kyrtong ka Congress kawa man leh kam ka Bye Election kawa da niaw Vote ynne hadien wa u payu ko, u Rahul Gandhi da ieh u ya kani ka Constituency hadien wa jop u leh na Rae Bareli ha uni u snem kam u MP.
Ka Priyanka da jop ko da palat 4 lak Vote iwa da pyntam yeiwa jop u Rahul ha uni hi u snem.
Waroh ki Vote wa da yoh ko toh 6,22,338 iwa tam da 4,10,931 Vote ya uwa yoh wa ar, u Sathyan Mokeri na ka Communist Party of India.
U Rahul hawa jop u ha uni u snem da yoh u 6,47,445 Vote heiwa da tam u ya uwa yoh wa ar da 3,64,422 Vote.
Waroh kiwa yaleh na kani ka Constituency da em ki 16 ngut heiwa 7 ngut toh ki kyrtong samen heiwa uwa duna dooh wa yoh Vote na ki toh u Ajith Kumar uwa da yoh 189 ngut katwa u NOTA da yoh u 5406 Vote.
Discussion about this post