Da 5-0 jop ki sahep sorkar ya ki MLA ha ka lehkmen National Sports Day

Ka chnat Sports & Youth Affairs ynne da lehkmen ko ya ka National Sports Day ha ka yalang wa pynman ha Tennis Court, J. N. Stadium Complex, Polo Ground, Shillong. Wei kani man ko leh kam chibynta wow pynkut yei lehkmen wa waroh chi tayaaw ha waroh kawi ka ri deiwa khut u chimbynta da waroh wei man ko leh kam ka sngi wow kynmoo warom ya ka sngikha uwa yaleh Hockey wa pawnaam ka ri, u Major Dhyan Chand. 

Ha Shillong, u Montri ka chnat Sports & Youth Affairs Minister, u Shakliar Warjri da wan u wow embynta kam u kongsan.

U Montri hawa e yei klam da yaroh u ya waroh ki 12 ngut ki Deputy Commissioners ki 12 tylli ki District ka jylla yei chimkhia ki wow pynman ya kiwa boon ki yakob yalehke ha kani ka tayaaw yow pynman ya ka National Sports Day kawa jop haka jylla waroh kawi.

U Montri da kyntu u ya ki khynroo ka jylla wow chim ya ka yalehke ym du kam wow pynwyrngia donhi tangwa kam ka laad im ja-kpoh deiwa ong wa ka sorkar toh kawa da rai wow pynku ya ki kaam yalehke hapoh ka jylla wei da booh leh ka thong yow pynmih ya kiwa yalehke napoh ka jylla kiwa daw ye u chimbynta ha ka 2032 Olympic Games.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Ha kani ka sngi pynkut da pynman ya kiwa boon ki yalehke wei da pynkup burom deiwa e leh ya ka song poisa cha kitu kiwa da wanrah naam ya ka jylla kamjooh ya ka ri. Kini kynthup ki ya 1 Athlete wa 1 Coach naka Meghalaya Archery Association, 18 ngut ki Athlete wa 3 ngut ki Coach naka Meghalaya Boxing Association, 18 ngut ki Athlete wa 2 ngut ki Coach naka Meghalaya Football Association, 84 ngut ki Athlete wa 3 ngut ki Coach naka All Meghalaya Karate-Do Association, 10 ngut ki Athlete wa 3 ngut ki Coach naka Meghalaya Judo Association wa 4 ngut ki Athlete wa 1 Coach naka Meghalaya Sports Climbing and Mountaineering Association.

Da pynkupburom leh ya kitu kiwa yalehke ki wym em da tipmit da ka Olympic wei da e leh ya ki da ka song poisa wa kyntup ya 4 ngut ki Athlete wa 1 Coach naka Meghalaya Wushu Association, 7 ngut ki Athlete wa 1 Coach naka Meghalaya Arm Wrestling Association, 37 ngut ki Athlete wa 5 ngut ki Coach ka Muay Thai Association of Meghalaya wa 30 ngut ki Athlete wa 2 ngut ki Coach naka Meghalaya Jeet Kune-Do Association.

Ha kani ka sngi da pynleh ya ka yalehke pynwyrngia hapyrdi ki sahep sorkar wa ki MLA (Officers FC Vs MLA FC) ha madan ka MFA, Polo Ground, Shillong heiwa ka Officers FC da jop ki ya ki MLA FC da 5-0.