Ka Finance Minister ka sorkar pyrdi, ka Nirmala Sitharaman da pyntip ko wa ka jylla Meghalaya da yoh ko boon chah ka bhah na ki dan ha ki 10 snem wa da lai nadooh u snem 2014 hadooh 2024.
Hawa nujor ya ka bhah wa ka jylla Meghalaya wa yoh ha ki por wa nachwa wa ki por wa synchaar ka sorkar National Democratic Alliance (NDA), da ong wa ha ki 10 snem wa synchaar da kiwi ki Party ya ka ri India, itæ nadooh u snem 2004 hadooh 2024, ka jylla Meghalaya da yoh ko ya ka bhah na ka dan du Rs.7273 klur, kawa man ka poisa wa yoh lum na ka dan wa da e bhah cha waroh ki jylla. Katwa nadooh wa synchaar ka NDA wa yahkhmat da ka BJP, ka Meghalaya da yoh ko boon chah na ka sorkar India wei nadooh u snem 2014 hadooh 2024 ka bhah wa ka Meghalaya yoh ko na ka dan man ko Rs.48,883 klur kawa da ku hadooh kamwa 572% i yoh poisa na ka sorkar pyrdi lyngba ka dan (Tax).
Hawa yatoh wa kiwi ki yarap poisa kam ka Grant in Aid, ka Montri da ong ko wa nadooh u snem 2004 hadooh 2014, i yoh poisa lyngba ka Grant in Aid man ko Rs.19,700 klur, katwa nadooh u snem 2014 hadooh 2024 ka Meghalaya da yoh ko Rs.40,452 klur.
Hawa yatoh wa i e laad yong ka sorkar pyrdi ya ki sorkar wow chim ram lyngba ka Special Assistance to States for Capital Investment (SASCI) Scheme, ka Sitharaman da ong ko wa kani ka Scheme ymtoh kawa da mynjur chwa da ka Finance Commission, tangwa man ko neibynta wow yarap ya ki sorkar jylla wow pynku ya ka muna tangka khamtam hadien wa chah ktah ha ka khlam COVID, wei da khana ko wa nadooh u snem 2020 ya ka SASCI da pynlait hadooh Rs.5.3 lak klur cha waroh ki jylla ka ri India, wei da em ki kattu katni wa da e khlem da pynemkaam ki wei da pynuiñ næ su chooh wei da em kiwa da e kam ka ram neibynta hadooh 50 snem khlem da emkaam wow su ya ka sut, wei ka jylla Meghalaya da yoh ko Rs.5,471 klur na ka SASCI.
Discussion about this post