Jowai: Ynne ka sngi ha ka yakhun Semi Final wa nyngkong yong ka 1st Cricket (Tennis Ball) Tournament 2018, ka War United da jop ko ya ka Real United kawa pynman da ka Chiruplang Sports & Socio-Cultural Club Jowai ha madan ka Kiang Nangbah Government College, Jowai.
Ka War United da Bat nyngkong ko wei da kamai ko 143 run deiwa dooh lut waroh ki Wicket yong ka ha ka 18.1 Over.
Kiwa Bat wa da kamai heh Run dooh yong ka War United toh u Lestarget Kassar uwa da kamai u 31 run, u Devendra Bhamu 24 run wa u Kenny Wan 24 run.
Ki Bowler ka Real United kiwa da lehke bha toh u Marbiang ki Bareh uwa da yoh 3 Wicket na ka 1 Over heiwa da e u 2 runs wa u Sanki Pakyntein uwa da yoh u 2 wicket na ki 4 over heiwa da e u 24 Run.
Hawa kdong ya thong, ka Real United da yoh ko 80 Run heiwa da dooh ko waroh ki Wicket ha ka over kawa 17.3.
Ki Batsman wa lehke bha na ka Real United toh u Dari Passah uwa da kamai u 18 Run wa u Marbiangki Bareh uwa da kamai 15 run.
Ki Bowler kiwa lehke bha na ka War United toh u Manbha Tariang uwa da yoh u 3 Wicket na ki 4 Over wei da yoh ki oo 7 run, wa u Wailad Myrchiang uwa da yoh u 2 Wicket wei da yoh ki oo 18 run na ki 3.3 over.
Kamtæ ya ka Semi Final da jop da ka War United da 63 Run.
Ka Semi Final wa ar u man ko mynstep ka 7 tarik heipor 12:00 waje i sngi ha pyrdi ka Nakasaki wa ka Rising Star.
Discussion about this post