Da 70 Run pyntam ka Meghalaya ya ka Puducherry ha ka U-19 Cooch Behar Trophy

Jowai: Ha ka U-19 ka Cooch Behar Trophy, u Raghav Kapur da yoh u 115 Run wei ka Meghalaya waroh da kamai ko 325 Run hadien wa haap lut ki Wicket yong ka ha ka sngi wa le pyrchah ya ka Puducherry wa pynman ha Anantapur, Andhra Pradesh.

Ka Meghalaya ha ka First Innings da kamai ko 137 Run tam ya Puducherry kawa kamai 188 Run ha ka First Innings.

Ka Meghalaya ynne da pteiñ ko yeiwa ieh ko ynnin da 207/6 heiwa u Raghav da yoh chwa u 46 Run wei da smat poi u cha ka 50 Run wei hadien da tam u ya ka 100 Run kawa emlang 9 tylli ki 4 Run. U Amankumar ym ye de u wow pyntam boon ya iwa kamai u ynnin da 29 wei haap u hadien wa kamai u 32 Run iwa yarap leh ya ka Meghalaya wow kaap ko palat 300 Run.

Related posts

Khlem em wa jop hap hapyrdi ka 7 Wasa wa ka Mooknor Thadmuthlong

November 29, 2025

Psiah Final sa ka Kur Suchen ha ka 31st Gold Cup Knockout Football Tournament

November 28, 2025

Ka Puducherry hawa Bat ko ha ka Second Innings, da sdang ki suki suki wei hadooh wa kut ka yalehke ynne ka sngi da yoh ko 67/1 iwa bood ya ka Meghalaya da 70 Run hadien 47 Over.

U Aryan da yoh u pynhaap ya ka Wicket ka Puducherry wei lada ka Meghalaya ye ko u pynhaap lut ya ki Wicket ka Puducherry daw emlaad ko wow jop.