Jowai: Ynne ka sngi ha ka Semi Final kawa ar yong ka 1st T20 Cricket (Tennis Ball) Tournament 2018 wa pyllai da ka Chiruplang Sports & Socio-Cultural Club da jop ka Rising Star ya ka Nakasaki ha madan Kiang Nangbah Government College, Jowai.
Ka Rising Star da Bat nyngkong ko wei da kamai ko 140 Run wei da dooh ko 7 Wicket na ki 20 Over heiwa u Kishan Lyngdoh da kamai u 42 run, u Bhabok Plain da yoh u 18 Run, u Deibormi Rangad da yoh u 15 Run.
Ki Bowler ka Nakasaki kiwa da lehke bha toh u Nibiangmon Sutnga uwa da yoh 3 Wicket na ki 3 over heiwa da chah kamai u 24 Run, u Edify Patwet uwa da yoh 2 Wicket na ki 3 Over heiwa da chah kamai u 36 Run wa u Pyn-i-lynti Bareh uwa da yoh u chi Wicket na ki 4 Over heiwa da chah kamai u 19 Run.
Hawa kdong ya ka thong, ka Nakasaki da yoh ko 69 Run wei da dooh lut ko ki wicket ha ka Over kawa 14.3 wei kiwa yoh boon Run dooh toh u Richard Patwet uwa kamai 17 Run, u Nibiangmon Sutnga 13 Run wa u Da-o-hi Passah 13 Run.
Ki Bowler kiwa lehke bha na ka Rising Star toh u Firstbornson Dkhar uwa da yoh u 4 wicket na ki 4 Over heiwa da chah kamai u 18 Run, u Heimonlang Lyngdoh da yoh u 2 Wicket da chah kamai u 12 run na ki 3.3 over, u Kishan Lyngdoh da yoh u 2 Wicket na ki 2 Over wei da e u 22 Run.
Kamtæ ya ka Semi Final da jop da ka Rising Star kamwa 71 run.
Ka yakhun Final u man ko ha ka Sngi Chohthat ka 10 tarik heipor 10.30 waje i step hapyrdi ka War United wa ka Rising Star.
Kam wow pynkynmoo heini kiwa jop u rah ki ya ka song poisa wa T. 30,000 wa ki Trophy. Katwa kiwa rem u rah ki ka song poisa wa T. 10,000 wa ki Trophy kamjooh leh daw em ka khusnam Player of Tournament wa Man of The Match.
Discussion about this post