Da 88 Run bood ka Meghalaya ya ka Arunachal ha ka U-23 Col CK Nayudu Trophy

Jowai: Ka Meghalaya ha ka U-23 Col CK Nayudu Trophy kada yachem ko waka Arunachal Pradesh ha Mangaldai, Assam, heiwa ka Meghalaya da bood ko da 88 Run.

Ka Meghalaya da jop ko ya ka kylla khlem wei da jied ko wow Bat nyngkong wei da haap lut ki Wicket ko deiwa kamai du 48 Run.

Hawa Bat ka Arunachal uwa kawang bol ka Meghalaya u Kartik Pawar da pynhaap u 7 tylli ki Wicket wei da haap lut ki Wicket ko deiwa kamai 163 Run. Kiwi de kiwa pynhaap Wicket toh u Arbin Singh 2/57 wa u Akash Kumar 1/44.

Ka Meghalaya hawa bat ko ha ka Second Innings da bood ko da 115 Run wei da pynkut ko ya ka yalehke khlem em haap Wicket deiwa kamai 27 Run iwa dang bood da 88 Run, kiwa Bat ka Meghalaya kiwa sdang toh u Ibitlang Thabah (13 not out) wa u Kishan Lyngdoh (10 not out).