Jowai: U Deputy Commissioner (Election), West Jaiñtia Hills da pyntip u wa ki tarik wow leh yaka Special Campaign for Summary Revision namo wow pynthymme yaka Electoral Roll neibynta ka First Round u pynman haka on 27 tarik uni u bnai wa ha sngi wa bood haka 28 tarik katwa yaka Second Round u pynman haka 4 wa 5 tarik u Kmaichonglad (Dec), 2020.
Heiyatoh wa ini, u Deputy Commissioner da phah ya waroh ki Booth Level Officers wow em ki ha jar jiar ki Polling Station heipor wa pynman yaka Special Campaign for Summary Revision 2021 wei waroh hap ki wow bood yaka kyndon COVID-19 kam wow deiñ yaki Mask, u yajngai uwi ya uwi, u sait yaki kti wa kiwi kiwi.
Katkam ka hukum, ki Supervisor toh u pyntikna ki wa waroh ki Polling Station u man ki kiwa krehkaam wei wow e yaka Report hadooh katwon tylli ki Form da pyndap katkam ki tarik wa da booh.
