Ampati : U Montri ka tnat Sports & Youth Affairs, etc,. u Zenith M. Sangma da pynkynmoo u ya kiwa sikai wow sdang biang ki u pyllai yumut hei wow esikai wa pura cha ki thaiñ nongkyndong kam kiwa em cha ki thaiñ sor.
Yeini da ong u Zenith heipor wa booh moo-yurim u wow chna ya ka yung skur ka Salmanpara Secondary School ha Salmanpara, kawa em hapoh ka Zikzak C&RD Block, South West Garo Hills ynne ka sngi hei emlang u MLA, ka thaiñ u W.D. Sangma.
Ya kani ka yung skur u chna dei yarap poisa wa T. 1.15 Klur ka Asian Development Bank (ADB) hapoh ka project wa tip kam ka “Supporting Human Capital Development in Meghalaya”.
Kini pyn-ar ngut u Zenith Sangma wa u W.D. Sangma toh ki khynnah kani ka skur ya kawa da seiñ ha ki snem 1970 wei da pynku ya ka cha ka High School ha u snem 1983.
U Sangma hei klam yong oo da khana u wa ka sorkar jylla chimkhia bha ko wow kyntu kynrong ya i stat i tip hapoh ka jylla waroh kawi wei ka ADB daw e yarap ko ya 117 tylli ki skur hapoh ka jylla.
Kiwi kiwa da klam ha kani ka sngi toh u MDC ka Dengnakpara, u Sadhiyarani Sangma, u Deputy Commissioner u C.V.D. Diengdoh, wa kiwi kiwi.
Discussion about this post