Ka World Water Day da lehwarom ya ka man-u-snem ha ka 22 tarik u Wisu hajrong ka thong wow pynneh ya ka um wei ha India da leh ya ka wow pynsñiawthooh ya ki 1.2 Billion ngut ki bru yei kordor ka um. Ha ini u snem ka thong yong ka World Water Day toh wow kyrchaan ya i thong yong ka United Nations kawa ong “Water and Sanitation for all by 2030”. Ka phang yong kani ka sngi toh “Accelerating change to solve the water and sanitation crisis” wei hapoh ka pyrthai da e pyrtuid ya kani ka yalap kam ka “Be the change” yow pynchlur ya ki bru wow leh ki da ki kaam yow pynkylla noh yei rukom pynemkaam um.
U Montri Rangbah ka jylla, u Conrad Sangma da chimbynta u ha ka yalang yong kani ka sngi ha Soso Tham Auditorium heiwa ka phang pyrdi toh kawa ong ‘Water Resource Management for Meghalaya’.
Ka Meghalaya toh kawa nyngkong dooh ka jylla kawa wanrah ya ka Water Policy ha u snem 2019 neibhah i kaam wa yatoh wa ka um yatoh i wa kiwa boon ki chnat kamtæ da wanrah leh ya ka Plan of Action (POA) kawa da e pyrtuid “Meghalaya Water Mission” hei wow pynneh pynsah ya ki tyllong um.
Heipor wa sdang ya ka Jal Jeevan Mission ha u 2019 da ka Ministry of Jal Shakti, ka jylla em ko 4,550 tylli ki manyung wa yoh umkor wei hapoh soo snem da kynjoh i cha ka 2.9 lak tylli wei ka jylla man ko kawa ar hei wow pynkrehkaam ya ka Jal Jeevan Mission (JJM) ha ka ri kawa kynjoh 1215 tylli ki chnong.
Deiwa pynkrehkaam hadooh 90%, da ku bha ko hei pynkreh ya ka PMKSY-HKKP (Pradhan Mantri Krishi Sinchayi Yojana – Har Khet Ko Paani) Scheme.
Da pynjoor leh yei thung dieñ harood ki wah ha ki san snem wa da lai wei ka sorkar da sdang ko leh ya ka Payment for Ecosystem Services (deiwa yoh poisa na ka KFW wa ka World Bank) wow pyntikna yei yoh um.
Ka sorkar da sdang ko wow sylli ya ki 7,000 tylli ki thaw wa mih um ha ka jylla wei da kreh ko leh hadooh 1,000 tylli ki Small Multipurpose Reservoirs (SMRs) ha waroh ki District deiwa yoh poisa na ka Asian Development Bank (ADB).
Ha ka bynta wa nyngkong (1st Phase) daw em 3000 Hectare ki thaw rep ki wow myntoi ki paidbah na i rep i riang wei ar tylli ki chnong ha West Garo Hills da yoh ki yei naam Best Village Panchayat Category Scheme (3rd National Water Awards).
Kiwi won ki Water Supply Schemes kam ka Greater Shillong Water Supply Scheme Phase III, Nongstoin Urban Water Supply Scheme wa ka Ampati Water Supply Scheme dajan dep u kreh ya ki. Ka Baghmara Water Supply Scheme dadep wai ya ka katwa da sdang leh i kreh ha ka Williamnagar Water Supply Scheme.
Heiyatoh wa kani ka sngi u Conrad da ong u wa ka sorkar da chimkhia ko wow pynneh pynsah ya ka um wei emkaam wow pynpoi umkor cha waroh ki manyung wow myntoi kiwa chong chnong ka jylla. U pynim ya waroh ki tyllong um wei wow chna leh ya ki thaw pynlang um wei ka sorkar da booh bhah ko leh ya ka poisa yow pynman ya ka jylla kawa dap um.
Ha kani ka sngi u Comingone Ymbon, uwa man u Montri ka chnat Water Resource wa u Marcuise N. Marak uwa man u Montri ka Public Health Engineering da man ki kam ki symbood kongsan.
