Ka National Eligibility cum Entrance Test (Undergraduate) namo ka NEET (UG) 2021 daw pynman ya ka ha ka 12 Naikhynde 2021 ha kylleiñ ka ri deiwa bood ya ki kyndon yada COVID-19 wei ka Application u sdang ko nadooh mynstep 5:00 waje i janmiet lynga ki NTA website.
Ya kani ka Exam da booh chwa wow pynman ha ka 1 Naisaphra 2021 tangwa da kyrriah sngi noh ya ka.
Kam chibynta wow em i jngai iwi na iwi namo ka Social Distancing da pynboon noh ya ki sor heiwa daw pynman ya ka Exam na ka 155 cha ka 198 tylli, katwa ki Examination Centre won daw pynboon na ki 3862 tylli ha u snem 2020.
Wow pyntikna wa da bood ya ki kyndon yada COVID-19 daw saam ya ki Face Mask cha waroh kiwa wan thoh Exam, daw booh ya i por wow psiah wei wow mih, u baam deiwa jngai iwi na iwi wa kiwi kiwi ki kyndon.
