Da booh ya u mooyurim yow chna ya ka Additional Secretariat ha Tura hei lut wa ₹156 klur

U Montri Rangbah ka Meghalaya, u Conrad K Sangma ynne da booh u ya u mooyurim yow chna ya ka yung Additional Secretariat Complex ha Dakopgre, Tura ha ka mang tangka wa ₹156 klur kam chibynta wow pynhun yei angnood wa da slem ki paaid ka Garo Hills.

U Conrad hawa e yei klam da ong u wa kani toh ka sngi wow sah kynmoo wei kani ka Additional Secretariat u e ko yei chakri ya ki paidbah ka Garo Hills kiwa da chem chitom wow pyndep ki kaam yong ki na ki chnat sorkar waphær waphær wei u man ko neibynta waroh ki 5 tylli ki District ka Garo Hills.

Da khana u leh wa ka yung Secretariat wa thymme ha Shillong toh kawa da chna hei lut wa ₹1800 klur wei waroh iwa da chna toh deiwa pyrkhat ya ki 100 snem wow wan.

Ha kani ka yalang wa da em awjan 8000 ngut wa wan sakhi, da pyntip u wa kani ka Additional Secretariat toh kawa em le bynta heiwa ya ka Chief Minister’s Complex daw pyndep ka ha u January 2027 heiwa u wai syndon ka ha ka 21 tarik utæ u bnai.

Kani ka Additional Secretariat daw em ko leh ki bynta neibynta u CM deilang ka Cabinet u neitæ u Chief Secretary wa kiwi de ki heh sorkar chirup leh ki yung krehkaam neibynta ki chnat sorkar waphær waphær.

Related posts

Pdiang u Dr. Heipor Uni Bang ya ka National Teachers’ Award 2025

September 5, 2025

Pynche ka chnong Narwan wa chnong Sahkai yei Video wa chah pynbaad chohnoh uwi u bru

September 5, 2025

Da chim u leh ka laad wow pynbna ya u sarok Tura Bypass uwa daw chna hei lut wa ₹900 klur yow pynkyllooid ya ka Tura.

Da ong u leh wa lada pynku du ya ka Shillong, Tura, Jowai, Nongstoin wa Williamnagar da man ko iwa lait na ka thong lada mylliñ i ya ki thaw wa em cha palatsor.