Shillong: Hadien wa da pyndep yaka booddien (Contact Tracing) kamjooh da yoh leh yaka Result yong kiwa em hei maa na u COVID-19 ha Hyundai Service Centre kawa em ha Mawblei, Shillong.
Kamtæ deiwa bichaar ya ini waroh, ka Deputy Commissioner, East Khasi Hills District da pynmih hukum ko haka 16th August, 2020 wow chah biang yaka Hyundai Service Centre, Mawblei, Shillong wow wai biang ko chisyndon.
Ya i wai daw hap leh thij katkam ki kyndon wa da booh wa da pynmih daka sorkar naki por cha ki por lyngba ka Health and Family Welfare Department.
Kam wow pynknymoo wa ya kani ka Service Centre da phah khang haka 10 tarik uni u bnai hadien wa em wa yoh COVID-19 wa lai cha kani ka thaw.
