Nongstoin: I krai 4 ngut ki pulit SF-10 da wanrah ko ya i kulmar wa chyrkhei bha ka thaiñ Shallang, kawa da pynsahir mynsien ya ki paidbah wa chong chnong kani ka thaiñ, neidaw wa da tieñ chwa ki ya ki seiñ rah suloi na ri-loom Garo wei da chaniah ki yei chong suk chong saiñ hei yada ki bor yong ki pulit tangwa ini da man i mar dei kylla heiwa ki pulit da man ki ym phær na ki seiñ rah suloi.
Ki kattu katni ngut ki waheh ka chnong chirup wa kiwa pyllai ya ka chnong heipor wa yaklam ki wa kiwa thoh khubor da ong ki wa kiwa ksoh ya ka aiñ da pynemkaam bakla ki yei bor yong ki wei da man ki kam kiwa tynkheiñ aiñ kiwa da maham ya ki paidbah wei da pynkulmar ki ha yaaw Shallang wei da jrong kti ki leh ya ki kynthai.
Kamtæ da dawa wow pynchitom ya kiwa emkti ha ini i jia wei wow pynchitom ya ki katkam ka aiñ ya kini ki 4 ngut ki dkhot ka SF-10.
Da yoh laad leh wow yaklam wa u Superintendent of Police ka West Khasi Hills u G.D. Kharwanlang hajrong ini wei da pyntip u wa da kem ya ki 4 ngut u Hav. Johnas Maring, u Jerlin Makri, u Eddie Fennal Marwein wa u Tengrak Momin.
Neiliang ki pulit dang pynman ki ya i takit hei yatoh wa ini waroh.
[arve url=”https://www.youtube.com/watch?v=tGmGnKXRIZs&feature=youtu.be” /]
Discussion about this post