Da chah u mih 50% ki kari hapoh East Jaiñtia Hills

Khliehriat: U Deputy Commissioner, East Jaiñtia Hills District da pyntip u wa da chah u mih ki kari kamai kamjooh ki kari samen (Public and Private Transport) 50% kamjooh i chong ki bru hapoh toh u man ko leh 50%.

I rukom mih ki kari man i kamni ha wah neibynta ki kari samen kamjooh ki kari kamai:

• Haka Monday, Tuesday wa Friday- Ki kari wa em Registration Number wa kut ha u Number 0, 2, 4, 6 wa 8.
• Haka Wednesday, Thursday wa Saturday- Ki kari wa em Registration Number wa kut ha u Number 1, 3, 5, 7 wa 9.
• Haka Sunday ym chah ya kiwon kiwon ki jait kari wow mih wow lai ki lait noh kitu kiwa em Car Pass kiwa em “Official Duty” wa “Emergency Duty”.

U Deputy Commissioner da phah u leh ya waroh kiwa yah kari kamjooh kiwa chong kari wow bood ki thij yaki kyndon ka wa da pynmih daka Health and Family Welfare Department heiytatoh wa i deiñ Mask, i sait kti, i pynemkaam yaki Sanitizer, u chong 50% donhi ki bru, u sait pynkhooid yaki kari chwa wa hadien wa dep pynemkaam.

I bai kari Taxi u man ko katkam ki dor wa da booh daka Transport Department. I bai Local Taxi toh T. 26 ka Kilometer wa nyngkong katwa T. 13 kawi ka Kilometer wa bood wei T. 7 chi minit hawa phah yang.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Yaki kari 7 Plus Seater Tourist Vehicle (Sumo, Maxx wa kiwi) i bai kari toh T. 2.05 chi khlieh chi Kilometer. Hap su tam T. 200 chi 100 km daki kari AC (lada pynemkaam). Katwa ya ki kari 5 Seater Tourist Vehicle (Alto 800, Swift wa kiwi) toh T. 18 chi kilometer wei hap su tam T. 200 chi 100 Km lada pynemkaam AC.

U Deputy Commissioner da pyntip u leh wa lada ym bood ya kini ki hukum daw pynchitom katkam ki kyndon ka aiñ.