U Chief Secretary ka jylla da pynbna u yaka hukum wow chah u wai biang ki Cinema Hall hapoh Meghalaya nadooh ka 21 tarik uni u bnai deiwa boon yaki kyndon (SoP) wa dang pynmih da ka Genral Administration Department ka sorkar Meghalaya.
Kamtæ waroh ki tre Cinema Hall kiwa kwah u wai noh toh u paan bor ki na jar jiar ki Deputy Commissioner ki yow pyntikna wa bood ya waroh ki kyndon deiwa lai pait ki na i por cha i por, yow pynbait leh yei por wa ye u wai iwa chong leh hei long i man i thaw wa em ka Cinema Hall.
Kam wow pynkynmoo wa haka 21 tarik leh da chah ya kiwa uiñke suwari kiwa na baar jyll wow wan ki chapoh ka jylla deiwa bood yaki kyndon, wei neiliang u Montri Rangbah ka jylla leh da pynbna u wa ki lieñsuiñ na Delh cha Shillong leh u sdang ki u wan haka jooh ka sngi.
