Ka District Magistrate ka East Khasi Hills da pynmih hukum ko ynne ka sngi neidaw wa dang joor hi i poor u khñiang COVID-19 hapoh ka District heiwa kiwa chah ktah hadien wa chah Test kat da em hi wot ki hapoh 10%, kamtæ hapoh ka Section 144 CrPC deilang wa ka Regulation 3 ka Meghalaya Epidemic Diseases, COVID–19 Regulations, 2020 da pynkrehkaam ya ka Night Curfew hapoh ka District nadooh 8:00 waje i meit hadooh 5:00 waje i step man-ka-sngi wei ha ini i por ym chah wow mih wow lai wow wan.
Ym pu chah wow pynman ya kiwon kiwon ki yalang paidbah wei lada emkaam jhan, hap wow yoh bor na ka DC.
Ki kaam wa da chah nadooh ki wai dukan, ki yalehke Sport toh u bood ki katkam ki kyndon wa da dep pynmih.
Ki kari kari ki bru samen, ki kari kamai kiwa em hapoh ka District da chah wow kamai ki 50% deiwa lai da ki Odd/Even Number heiwa ka Monday, Wednesday wa Friday toh neibynta ki Even Number katwa ha Tuesday, Thursday wa Saturday toh neibynta ki Odd Number iwa hadooh ka 04-09-21.
Da chah leh yei wan ki kari kamai chapoh ka East Khasi Hills nadooh ka 01-09-21 heiwa ki kyndon daw pynbna won hadien.
Heiyatoh wa ki yungmane, u wai ki katkam ki kyndon wa da pynmih kamjooh manda em ki kaam wow pyntang bia wa kiwi de ki kaam wa yatoh wa i bia.
Ki thaw uiñke suwari kiwa kwah wow wai noh nadooh ka 01-09-21, hap ki wow paan bor deiwa khana katwon ngut ki bru u chah ki wow wan, hap khana leh lada ki wakreh toh kiwa da dep yoh tika kamjooh deiwa kular wow bood ya ki kyndon.
Ki Restaurant, ki Café wa ki dukan cha u chah u wai ki deiwa chah u chong 50% donhi ki bru nadooh ka 01-09-21 deiwa pyntip chwa cha ka DC chwa wow wai. Lada tyngkheiñ ya ki kyndon daw chah khang ki.
Ki Bar da chah wow wai ki deiwa em 50% ki bru na iwa hoi nadooh ka 01-09-21 wei hap ki wow paan bor na ka DC. Hap ki wow bood thij ya i kyndon lym kamtæ, daw chah khang ki.
Ki Hotel, ki Homestay wa ki Guest House hap ki wow paan bor chwa wow wai deiwa khana leh wa lada ki wakreh toh kiwa da dep yoh tika kamjooh iwa da leh ki yow pyntikna wa da bood ya ki kyndon.
Ki skur, ki College u wai ki katkam ki kyndon wa da pynmih kamjooh katkam wa ong ka Task Force Committee kawa daw khlieh da ka DC.
Ki yung krehkaam sorkar pyrdi wa ki yong ka sorkar jylla da chah wow wai ki deiwa em ki wakreh 100% wei toh u khang ki heipor 5:00 waje i janmiet.
