Ka DHS (MCH&FW), Meghalaya da pyntip ko wa da mynjur da ka Ministry of Health & Family Affair yow pynemkaam ya i tika CorBevax kam i tika pynkhlan yei yada hadien wa dep yoh ya waroh ar ki tika COVID-19 lada da i Covishield lane da i Covaxin ya kitu kiwa da em 18 snem chaneiñ iwa mut ym phær lada dep chim da iwon iwon i tika, ye u chim sa i CorBevax yow pynkhlan.
Ye hi leh wow chim da i Covishield lane da i Covaxin kam i tika pynkhlan yei yada kamwa da chah nachwa.
Yeini da pynkylla leh ha ka Website ka Cowin nadooh ka 12 tarik uni u bnai yow ye ki bru wow tip nadooh mynnu hoi u chim ya ini i tika pynkhlan.
Ya i tika pynkhlan ye u chim hadien 6 bnai namo 182 sngi wa chim yei tika wa ar katwa ya kiwa kreh kam ki HCW, FLW, Polling Officer ye ki wow chim yeini hadien 3 bnai namo 90 sngi kiwa da em 18 snem chaneiñ.
I CorBevax toh iwa da chah leh wow pynemkaam neibynta ki khynnah wa em 12 hadooh 14 snem tangwa ya kiwa 18 snem chaneiñ yeini toh u pynemkaam du kam i tika pynkhlan yei yada hadien wa da dep chim tika waroh arsien.
