Ka DC ka East Khasi Hills da pynmih hukum ko ynne ka sngi kam chibynta wow bood yeiwa phah u Director ka Agriculture deiwa chah u wai ka yaw ki warep namo ka Farmer’s Market ha 7th Mile wa ka Farmer’s Market ha Lad Smit ki wow wai nadooh Monday hadooh Friday kitæ nadooh ka 7 tarik hadooh ka 11 tarik uni u bnai nadooh 7 waje i step hadooh 5 waje i janmiet.
Neidaw won i long i man hapoh ka District heiyatoh wa ka khlam COVID-19 kamtæ da booh ya kini ki kyndon ha wah:
U Director ka Agriculture daw pyntikna u wow pyntip cha kiwa khayi, ki warep wa kiwa dai Wholesale kamjooh wow pynbiang ya ki thaw dai, ki thaw psiah thaw mih, ki thaw pynyieñ kari wa kiwi kiwi.
Waroh ki Car Pass toh kiwa daw e da u Director ka Agriculture wa ki BDO.
Ki pulit wa ki Incident Commander toh u leh ki yeiwa emkaam yow pyntikna wa waroh ki kyndon da bood ya ki thij.
Kiwa leh pyrchah daw chah daiñ kuna ki katkam ka aiñ.
