U DC ka West Jaiñtia Hills da pynmih hukum u wa da chah wow wai noh chisyndon ya waroh ki thaw chong dih kiad namo ki Bar wa em hapoh ka District deiwa bood ya ki kyndon (SOP).
Ki thaw chong ki bru toh du 50% na iwa hoi, wei u wai nadooh 01:00 waje i sngi hadooh 8:00 waje i miet.
Ym toh u chah ya ki bru kiwa em 65 snem chaneiñ wa ki kynthai wa pynkhun.
Toh u pynyajngai katwa ye ym duna 6 phut heiwa ki tre ka Bar u pyntikna ki wa biang ki bru wow pyntikna wa bood ya ka Social Distancing.
Ha ki thaw psiah toh u em ki ya ki thaw sait kti lane deiwa em ki Sanitizer Dispenser wa ki tiar thaw chit.
Du ki wakreh wym em ki dak ki chin wa chitom u chah wow wan kreh ki kamjooh ki bru paidbah wa wan wei u chah u psiah ki du deiwa deiñ ki ya ki Mask.
Toh u pynemkaam da ki Menu wa hoi u noh manda dep pynemkaam lada ye.
Heithaw wow e da ki that niam kti, toh u pynemkaam da ki Napkin kiwa hoi u noh.
Toh u booh leh ya ki Poster wa kiwi ki jait kiwa da neh bait kiwa pynyoo kammon wow yada na u COVID-19.
