Khliehriat: U Deputy Commissioner, East Jaiñtia Hills District da pyntip paidbah u ya ki dukan wa da ye u wai hapoh ka District nadooh ka 3 tarik uni u bnai katkam ki kyndon wa da booh daka Ministry of Home Affairs.
Da chah u wai ya waroh ki dukan ha ki thaw palatsor (Rural Area) wa kynthup yaki dukan dai cha lait na kiwa em harood ki sarokbah (National Highway).
Ha ki thaw sor won da chah u wai waroh ki dukan wa neh chithaw don lait na ki dukan ah sñiooh (beauty parlour wa salon).
Chooh chooh ki dukan kam ki restaurant, cafe, food outlet wa ki dukan cha ye ki u krehkaam tangwa da ka home delivery namo take away service.
Da chah leh wow lai u wan cha kiwi ki District.
Chooh chooh da kyntu ya ki paidbah wow bood ki ya ki kyndon wa da booh ka sorkar wa ka chnat i chait i khiah neipor cheipor.
