Jowai: U District Magistrate, West Jaintia Hills da pynmih hukum u wow chah u wai noh ki Hotel hapoh West Jaiñtia Hills District nadooh ka 1st July 2020.
Kini emkaam chwa ki wow yoh bor naka yung krehkaam u Deputy Commissioner wei hap ki wow bood yaki kyndon ka Standard Operating Procedure wa pynmih daka chant Tourism Department ka sorkar Meghalaya.
Ki Hotel ki wym bood yaki kyndon ka SOP daw chah khang ki chisyndon.
Nalor kini, u District Magistrate da phah u ya waroh wow deiñ ki yaki Face Masks, wow leh yaka Social Distancing deiwa yajngai 6 Feet, wow tymmoh ya i ktien manda ka’oh, wow sait yei kti dei langær daka um wa i sabon wei ym toh u mynthu haki thaw paidbah.
