U Deputy Commissioner ka West Jaiñtia Hills District da pynbna u wa katkam wa da pynmih hukum daka sorkar jylla, hapoh ka District da chah wow wai yaki Restaurant/Café/Food Outlet/Tea Shop ya kiwa da chah da u Assistant Commissioner of Food Safety waka yung krehkaam u District Medical & Health Officer ka West Jaiñtia Hills District, Jowai.
Ya kiwa da yoh bor wow wai, hap ki wow bood yaki kyndon ka Ministry of Home Affairs ka sorkar India kiwa daw sylli wei daw yoh yaka muhor u DC ka West Jaiñtia Hills.
Ki tre kiwa kwah u leh yaka Home Delivery/Take Away Service emkaam ki wow pyntip chwa cha u Deputy Commissioner deiwa pyntip wow bood yaki kyndon ka Ministry of Home Affairs kamjooh ka Health and Family Welfare ka sorkar Meghalaya chwa wow sdang ki.
U DC da pyntip u leh wa u pyntikna wa ya kini ki kyndon da bood thij deiwa phah leh yaka sylli (Inspection) naki por cha ki por yow pyntikna wa bood yaki kyndon wa pynmih ka sorkar wei kamjooh yaka Social Distancing.
Haki thaw wa em cha palatsor (Rural Area) kiwa haap hapoh ka Amlarem, Thadlaskein wa Laksein C&RD Block waroh ki dukan dai cha wa em harood ki sarokbah (National Highway) ym chah u wai ki. U chah u wai du kitu kiwa da jied da ki waheh chnong nadooh 9 waje i step hadooh 5 waje i janmiet nadooh ka Monday hadooh ka Saturday.
Da chah leh wow wai ki dukan wa leh Dry Clean wa em haki thaw sor nadooh 9 waje i step hadooh 5 waje i janmiet nadooh ka Monday hadooh ka Saturday.
Discussion about this post