Ka chnat puræ puthi ka jylla Meghalaya lyngba u Addl. Chief Secretary ka sorkar Meghalaya, Education Department da pyntip u wa ka sorkar India haka hukum wa pynmih haka 27-10-20 lyngba ka Ministry of Home Affairs da dep ko wow e bor wow wai yaki kaam wa em cha baar ki Containment Zone wei yaki sorkar jylla haka 15-10-20 da e bor wow chim yei rai wai ki sur deiwa chah chwa kajiak chisein.
Kamtæ neiliang ka sorkar jylla da chim ko yaka rai wa nadooh ka 01-03-2021 wow chah u wai noh waroh ki skur wa kynthup yaki Kindergartens deilang waki Play School wa em ha Meghalaya.
Yaki Class 1-5, Class 6-8 da chah wow wai ki pura waroh.
Yaki Class 9-12 leh da chah wow wai ki kamwa jooh ha waroh ki thaw wa em cha sor wa cha palat sor kam chibynta wow pyndep yaki lynnong wei yow pynkhreh yaki Board Exam.
Ini waroh toh iwa emkaam wow yoh bor ki khynnah naki bei ki pa wei chwa wow wai, ki School Managing Committee toh u ya pynbait ki wa ki bei ki pa ki khynnah, kiwa pait yaka chnat i chait i khiah ha ki jar jiar ki District wa kiwa pynlai chnong.
Hap leh wow pynkhreh ya ki kaam wow pynsñiawthooh hajrong u COVID-19, u pynkhooid ya waroh kawi ka yung skur nadooh ki paikhana, ki pchem, ki kamra pynman skur wa kiwi kiwi.
I por wa e sikai toh u man ki 30 minit deiwa sangeh 5 minit chwa wow sdang biang.
Hap leh wow pynkhreh yei man skur wa 3 sngi i pynman wa 2 sngi wow hap krehkot ha yung.
Da pynchlur wow leh yaka e sikai Online.
Da e bor leh yaki skur wow pynman skur ki kamwa jooh lane deiwa bood ya iwa da leh chwa ki katni.
Ym toh wow pynbor yaki khynnah wow wan ki cha skur.
Hap leh wow bood ya waroh ki kyndon yada kiwa da pynbna na ki por cha ki por.
