U Deputy Commissioner ka West Jaiñtia Hills da pyntip u wa da em ki jait kreh ki jait dukan kiwa da pynlait naka hukum wym chah u wai lane u krehkaam kawa da pynmih haka 23 tarik uni u bnai daka yung krehkaam yong oo.
Kamtæ ynne da pynmih hukum u wa da chah wow wai yaki jait dukan kiwa da booh ha wah kiwa da jied da ki jar jiar ki waheh chnong haka sngi Monday, Wednesday wa Saturday nadooh 9 waje i step hadooh 5 waje i janmiet deiwa pynemkaam chiteiñ namo 50% ki wakreh yong ki wei wow pyntikna wa i dukan man i iwa pynkhooid.
- Ki dukan dai kchu wa kiwi ki tiar wa pynemkaam ha yung chet-ja (Kitchen Utensils).
- Ki tiar wa pynemkaam bordiñ wa pynemkaam ha yung ha sem (Household Electronics)
- Ki dukan dai kari (Automobile Showroom)
- Ki dukar dai tiar khwe, ki tiar kyndeh-ke ki khynnah, ki satri, ki that jri, ki tarpal waki Torchlight.
Da chah leh ya ki kaam wow chna yaki tiar wa sih kiwa yatoh waki tiar ki tar wa pynemkaam ha yung chet-ja.
Da chah leh wow wai ki Travel Agency.
Kini waroh toh u wai ki du haki thaw wa em dukan ym toh u lai tyrwa tiar cha kiwi ki thaw.
Da kyntu leh wow deiñ Mask, u leh yaka Social Distancing deiwa yajngai chi meter uwi na uwi, u sait yaki kti da i sabon waka um, ym toh wow mynthu haki thaw paidbah wei kiwa leh pyrchah daw pynchitom yaki hapoh ka Section 51(b) ka Disaster Management Act, 2005.
Discussion about this post