Da chem ya i metyap u khynroo wa noh na ka yingkieñ Byrnihat

Ynne ka sngi da chem yei metyap u khynroo wa 27 snem i rta uwa tip kam u Wanphrangsngi Syiemlieh uwa na ka chnong Nongkyndang Saiden wei ya ini i metyap da chem na ka wah Umtrew ar sngi hadien wa noh u na ka yingkieñ Byrnihat.

Ya i metyap u da chem na chnong Morodola wei da yoo chwa ya i metyap da u bru wa lai luti neini.

Ya i metyap da kit cha Civil Hospital Nongpoh da ki pulit ka Byrnihat Police Outpost chwa wow e kti cha kiwa ha-yung.

Ki pulit da ong ki wa uni u khynroo da kynthiar u na ka yingkieñ ha ka 12 tarik hadien i kajia hajrong ka Rs. 300 wa ki para wa dih drugs.

Related posts

Maham pynman yakhih ki ar chnong lada ym pyndam ka JHADC yei tipmit wei e Sanad ya ka chnong Umpyrshin

February 23, 2026

Khut sñiawbha ka Jowai Cooperative Urban Bank ya waroh ki Shareholder Member cha ka lehkmen dap 50 snem

February 23, 2026

Ini da jia i hadien wa dai ya ka Mobile Phone wa da tooh wei da mih i kajia manda yabhah poisa deiwa pynbaad wa u Wanphrangsngi da yoh tam u Rs. 300 iwa da pynbor ya uni u khynroo wow noh na ka yingkieñ neidaw wa tieñ.

Neiliang ki pulit dang takit ki yeini iwa jia.

Puræ leh: Neidaw ka Rs. 300 noh u khynroo ha wah Umtrew