Jowai : Ynne ka sngi ki bru wa sah ha Pohhali, Dulong hatre u Loomkyndong da chem ki ya ki chyieñ bru ha tre u loom wa em hajan yung ki bru.
Katkam wa pyntip ki tre dong da ong ki wa em ki khynnah wa chem nyngkong ya kini ki chyieñ bru deilang wa i chyieñ khlieh (skull) kamjooh wa ki sula yong chynrang.
Hadien ini da suba boi wa kini ki chyieñ toh yong u ma Ram Shylla uwa da wiar na yung yong u nadooh ka 29 tarik u Naichiphaw 2015 na Chilliang Raij.
Kamtæ da pyntip cha ki wa ha yung u ma Ram kiwa hadien wa yoo ki ya ki sula wa em deilang wa ki chyieñ da pynsakhiat ki wa toh hi ki yong u ma Ram.
Wa rap yoo phylla heini toh wa ini i thaw wa chem ya ki chyieñ toh hajan i luti kjat wa lai ki bru wei kamjooh leh em ki yung pyn hajan ini ithaw. Da ong wa ye u man wa heipor wa khlad u ma Ram ini i thaw man iwa rben khloo wei heini i por tlang da sdang yap ki phlang ki ranem tæ poike ki khynnah cheini i thaw.
Neiliang kiwa hayung u ma Ram da leh ki yeiwa emkaam weiwa mynstep u pyndep niam ki ya oo.
Discussion about this post