Da chem ya ka khyllood wa wiar nadooh ka 16 tarik

Ka khyllood Langki Tyngkra kawa na ka chnong Nongjngi Lumlangdoh, West Jaiñtia Hills District kawa wiar nadooh ka 16 tarik uni u bnai da chem yaka hynnin i miet 9:30 ha Jowai da ka seiñ HNYF, West Jaiñtia Zone hapoh i yahkhmat u Vice President, u C.R. Ryngki, u Asst. Secretary, u Nicky Sten wa u Organising Secretary, u Kerkihame Syrti deilang wa ki dkhot.

Ya kani ka khyllood da chem wa lai li sah ko ha yung ki lok ko wa em ha Jowai.

Katkam ka khubor wa da yoh da ong i yut kani ka khyllood na yung toh du neidaw wa chah mai ko ha yung wei heipor wa mih da rah ko du ka Phone katwa ya ka SIM Card won da sai te ieh ko ha yung.

Neiliang ka seiñ HNYF e ngooh ko yow Blai wa da emlang u chirup waka yung ka sem ka Kop Tyngkra ka bei yong kani ka khyllood kamjooh ya ki paidbah kiwa da yarap wow thooh lang ya ka.