Jowai: Kawi ka khynnah wa dang 2 snem i rta na Assam kawa chah rahbor nadooh ka 5 tarik uni u bnai da chem ya ka na Khliehriat ynne ka sngi heipor kamwa 4 waje na iwi i dukan ah sniooh.
Ki pulit da suba ki wa kiwa rahbor ya kani ka khynnah da ieh ki ka ha kani ka dukan wei hadien wa sdang ko u yaam da sdang ki paidbah u yalang wei da pyntip ki cha ki pulit.
Kani ka khynnah hei tieñ ym ye de ko u klam chi kyntien leh. Da pyntip wa kani ka khynnah toh ka khon u Subhadeep Roy Choudhry waka Satabisha Roy Choudhry kiwa sikai ha Assam University, Silchar. Da suba wa kawa rahbor ya kani ka khynnah toh kawa kreh ha yung kani ka manyung kawa hadooh katni leh ympu em chem ya ka.
Ki pulit da ong ki wa katkam wa pyntip ki pulit na Assam i dur i dar kani ka khynnah toh thij kam kawa wiar.
Ya ini i khynnah dang em ki ha i kti ki pulit kynthai wei daw ekti ya ka cha ka tnat Social Welfare.
Katkam ka yutip wa yoh, ki bei ki pa kani ka khynnah dang ha luti wow lithooh ya ka.
Discussion about this post